o traveseiro

Este siareiro do Schalke 04 alemán opina igual que Aznar, mais non se dá de conta que a súa nai (ou a muller que o ature) é quen lle ten que lava-la roupa poteada, ou mesmo os colegas que teñen que chamar a un guindastre para leva-lo para a casa.

Mais aparte de siareiros tamén hai e houbo xogadores de fútbol profesionais chuzas e confesos. O penúltimo descubrimento foi o do xogador brasileiro do Inter, Adriano, que declarou que lle pega ao alcohol para esquece-las penas. A clasificación histórica a encabeza o recentemente falecido (por ese motivo) George Best, mítico xogador norirlandés do Manchester dos sesenta, e que nos deixou grandes frases para a historia como “En 1969 deixei as mulleres e o alcohol. Foron os peores vinte minutos da miña vida”. Ou “Gastei moitos cartos en coches, alcohol e mulleres... o resto o despilfarrei”.

Outros famosos levantadores de vidrio en barra fixa e futbolistas máis recentes son Tony Adams, que declarou que un día se bebeu o seu propio peso en cervexa, ademais de darlle á farlopa. E como non, Paul Gascoigne, que aparece dialogando co seu mestre Aznar nesta foto.

chuzame

Refírome a David e Victoria. Aos seus fillos, Brooklyn, Cruz e Romeo hai que respeita-los namentres sexan cativos, xa teremos tempo a critica-los para cando se volvan xilipollas coma os seus pais. De momento só son nenos e non teñen culpa de seren fillos de tremendos especimens.

Cando souben que Beckham ía deixa-lo fútbol español levei unha grande ledicia pensando que desta forma deixarían de bombardearnos nos medios de incomunicación sobor o que fai ou deixa de facer Becks. Pero o gozo nun pozo, resulta que o tío se vai para USA e aínda así se duplican os cotilleos da súa vida na prensa, radio e televisión. Que si mudou de corte de pelo, que si Vicky foi o programa de Jay Leno, que si leva extensións porque ten pouco pelo, que si Becks non adestra porque lle doe un nocello e sen embargo anda de festa en festa todo o día...

En definitiva, que parecía que o presi dos Galaxy, Alexi Lalas (aquel ex-xogador paquete con perilla de chibo) nos facía un favor e fixo todo o contrario. Sempre nos queda a esperanza de que paseando polas rúas de Hollywood se topen con Chuk Norris e lles dea unha boa malleira de hostias. Vendo as pintas que levan, non sería de estrañar que os confundira con indixentes.

Remato lembrando o que dixo Beckham na súa presentación como futbolista do Madrid, propio dunha mente privilexiada como a súa: “Amo el fútbol, amo a mi familia”. Estou de acordo ao 50%, eu tamén amo o fútbol, pero odio a túa familia.

chuzame