O estadio máis pequeno do mundo
25 de agosto do 2007 perpetrado por 
otraveseiro
Se lle facemos caso á (des)información da web do diario deportivo madrileño AS, o estadio máis pequeno en canto a aforo da Primeira División é o da UD Almería. Pero ademais non hai campo na Segunda División máis pequeno, nin en Segunda B, nin en Terceira, nin en Preferente... e así sucesivamente.
En realidade non atopamos campo en todo o Estado, nin de seguro en Europa, América, Asia, África, ou mesmo Oceanía cunha cifra tan baixa en canto a número de persoas que poden asistir a un partido de fútbol: 0 (cero) ESPECTADORES.
E iso que o estadio é relativamente moderno. O Estadio del Mediterráneo inaugurouse no ano 2004, e se construíu precisamente para albergar os Xogos do Mediterráneo, competición que non pode ser de moita magnitude cando fan un estadio con esa capacidade.
Visto o visto, no vindeiro encontro que dispute o Almería no seu terreo de xogo, perante o Valencia, non vai caber nin un alfinete, pero non porque sexa o debut en primeira do equipo na súa casa, senón porque non vai poder entrar nin cristo polo escaso aforo.
chúzame - Arquivado en Xornalistos | 
agosto 26th, 2007 ás 9:40 am
Ti tamén, para unha vez que no AS poñen unha mentira sen ánimo de terxiversar…
agosto 30th, 2007 ás 9:51 am
Pra min que usaches o fotochop. Explícome: O campo do Almería non ten capacidade para 0 persoas, ten capacidade para 10,,, que o vin eu!!!!
Hay que mala leche tedes!!!
Pd: Non poderia ser outro estadio? xusto ten que ser o do Almería que nos gañou 0-3, e NOS TOMOU O PELO como diría Ricardo Gallego (jajaja)
setembro 14th, 2007 ás 8:56 pm
Nin fotochop nin hostias, ademais seguen sen correxi-lo erro. Aínda por riba hoxe publican no mesmo xornal que 1200 almerienses estarán no Bernabéu, o cal non me extraña nadiña, pois teñen que ir fóra para ver ao seu equipo xa que no seu campo non caben.