Sabino dame fariña
12 de novembro do 2007 perpetrado por 
otraveseiro
Leo no xornal gratuíto QUE! que A Coruña é a segunda provincia, por detrás de Valencia, onde máis subiu o prezo do pan, un 45%. A asociacións de consumidores puxeron o berro no ceo, pois consideran que a suba é excesiva, e que aínda por riba a calidade do pan non mellorou. ¿E que ten que ver o pan co fútbol aparte que hai xogadores que andan empanaos polo campo? Pois a fotografía que ilustra a nova. A da esquerda, claro, a outra a engadín eu a xeito de información.
E é que o panadeiro que atende a esa velliña é un ex-xogador profesional de primeira división: SABIN BILBAO Bolumburu (Lujua -Biscaia-, 1960). Sabín ten a honra de se-lo autor do primeiro gol do Depor en Primeira División trala longa noite de pedra de case que vinte anos de ausencia, e chegou a formar parte do SuperDepor dos Bebeto, Mauro Silva e compaña na tempada 92-93.
Como vedes, Sabín Bilbao, a diferencia dos Maradona, Julio Alberto, Monsalvete e tantos outros, si que lle soubo sacar partido á FARIÑA.
chúzame - Arquivado en Chámalle X | 
decembro 2nd, 2007 ás 4:36 pm
jajajaj, a este ritmo vai estar máis cara a fariña do pan que a OUTRA fariña…
Quen llo diría a Sabín Bilbao, que acabaría facendo de camello facendo negocios coa fariña…
Por certo, que mal envellecen algúns, non é que fose juapiño cando xogaba no Depor precisamente, pero manda carallo, parece que levara 20 anos retirado polo bandullo que ten o bo de Sabín Bilbao.