o traveseiro

Ler tódolos días os xornais deportivos españois, esa é a receita de Fidel Castro para ter tanta lonxevidade. Que si, que tamén le o Gramma e outros máis, pero para ter unha boa saúde ademais de comer sano e facer deporte tamén hai que rirse, e que mellor maneira de arrincar un sorriso que lendo a prensa deportiva. Na imaxe non parece moi contento, pero era porque no Marca poñía que "tanta Arxentina, tanto Brasil...", e claro, a el lle fode porque como todo o mundo sabe, el quere que gañen as seleccións latinoamericanas.

Mais Fidel non é o único. Manuel Fraga sempre ten o exemplar do día do Sport no retrete, para que se lle faga máis ameno evacuar, e disque Augusto Pinochet morreu pouco tempo despois de que o xuiz Garzón interviñera a súa suscripción ao xornal madrileño As.

chúzame