Residuos tóxicos en A Estrada

10 de Xullo do 2012 publicado por o traveseiro

Alberto, alias Michijhense, seareiro desta casa dende os tempos en que fora deportado aos Estados Unidos, pasoume a semana pasada esta brutal imaxe (mil grazas!). Premer nela para agrandar.

A entrada chega un pouco tarde, porque tan magno e casposo acontecemento tivo lugar o pasado domingo, pero pola súa transcendencia debe publicarse. Como vedes, trátase do cartaz da homenaxe que lle tributou a peña madridista de A Estrada (Pontevedra) ao afamado xornalista (?) do As e contertulio da bazofia esa do Punto Pelota, poglama que como ben sabedes emite Intermerdocomia polas noites… TOMÁS RONCERO, ou Roncerdo.

Pois si, señoras e señores, un dos males que tivo sempre o fútbol galego e estatal en xeral: afeccionados zombificados apoian a equipos de fóra en troques aos da súa vila ou cidade. Neste caso tocoulle a quenda aos da Estrada. Esta tempada, o C.D. Estradense, bateu cos seus ósos na Preferente, cousa que ao mellor non acontecería se estes disque 150 individuos madridistas foran a A Baiuca a animar ao Estradense en vez ficar na casa babeando a alfombra do salón con CR7. Por certo, A Baiuca, sinónimo de taberna, é, que eu saiba, o mellor nome de campo de fútbol galego.

Uns detalles sobor o carteliño de marras:

– Vemos que os socios da peña tiñan acceso totalmente gratu, gratu, gratu, gratu, gratu, gratuíto, ou como pon aí, de valde (sic). Aos simpatizantes crávanlles 40 euros, e aos menores de dez… 20 pavos!. Unha estafa coa que quererán pagarse a farlopa ou as viaxes ao Bernabeu. Supoño que o que fixo o cartaz entraría tamén de balde, aínda que polas trazas teña menos de dez anos.

– Hai convidados do Real Madrid, pero non especifica quen. Vendo a cutrez do acto sospeitabamos da posíbel presenza de Toñín el Torero. Non, pois logo descubrimos que se trataba de Fernando Zunzunegui, un exfutbolista vigués que seica adoita a visitar esta peña. De feito, o presidente da mesma levaba unha garabata que lle agasallou o propio Zunzunegui e que a súa vez lle dera Emilio Butragueño. Enternecedor!

– Tamén convidaron a máis peñas madridistas. Sabemos que foron Rey de Copas de A Illa de Arousa, Morrazo de Cangas, Sabores de Arousa de Vilagarcía, Casa Rivas de Xeve y Cobres de Santa Cristina de Cobres. Ou sexa, o que falabamos antes, son do Madrid e ao Arousa, Céltiga ou Alondras que lles dean polo cu, non?

– A foto escollida do homenaxeado semella indicar coa man aberta como cren que é o xeito que merecen para que lles deamos as hostias.

– A gala está amenizada por uns tal REGATO DE MATAMULLERES. Hai que ser moi fillo de puta para poñer a unha orquestra, ou o que carallo sexa, ese nome, a non ser que sexa matar a alemáns que se apeliden Müller, que supoño que non.

– O local social da peña ten horario de apertura especial para os días en que xogaba a selección española. Non sei para que me estraña.

– Nin que dicer ten que hai que boicotear aos patrocinadores do roio este. Mágoa que non se aprecien.

Para rematar, salientar que o título vén a santo de que Tomás Roncero, que levaba dende o xoves poñéndose cego nas Rías Baixas, tivo a infeliz ocorrencia de poñer no twitter que hai depósitos tóxicos en Carril. Con doj cohone!

Arquivado en Odioteca | 7 Comentarios »

7 Comentarios

  1. Michijhense Escribiu:

    Moi grandes os xornalistas da Voz que escribiron a noticia dos depósitos de Carril.

    “Dejando a un lado la difusa noción geográfica sobre la ría de Arousa, y el peculiar ejercicio de bilingüismo armónico en materia de toponimia -disculpables ambos, tampoco hay que exagerar- el meollo de la cuestión se centra en el tratamiento que da Roncero a la terminal portuaria y sus alrededores. Decir que junto a Carril y Vilagarcía, un paraíso, como él mismo tiene a bien definirlos, funciona un cementerio de residuos tóxicos -así, a lo loco- no solo es mentira; tampoco es la mejor manera de echar un cable a la promoción turística de la zona”.

    E si che digo a verdade eu fijeime na foto simplemente porque me sorprendiu ver nun bar de Boqueixón (de onde é a familia de Torres) un cartel feito exclusivamente con WordArt. Morte pra o deseñador!

  2. Princi Escribiu:

    Esta foto define todo o artigo:
    http://spd.fotolog.com/photo/13/59/37/mini_mou/1219970459397_f.jpg

  3. doRCCV Escribiu:

    Digo eu, os 40€ euros dos adultos son pra pagar a farlopa e cos 20€ dos menores de dez serán pra pagar speed.
    O de entrada de valde igual se querían referir a que vai entrar no acto Valdés -.- e podería recollerse en analfabestas.

  4. Mr Tichborne Escribiu:

    O verdadeiramente escarallante é que este persoeiro teña 180000 seguidores en twitter! Agh!

  5. Mr Tichborne Escribiu:

    Outro tema: cando buscas “Traveseiro” no jujlel, o segundo resultado é este :O supoño que xa o viras

    http://bit.ly/PHgdXn

  6. o traveseiro Escribiu:

    Non só que xa o vira, senón que xa publiquei algo ao respecto hai perto de tres anos… e ti comentaches!

    http://otraveseiro.blogaliza.org/2009/11/09/un-blog-de-futbol-que-serve-de-consolador/

  7. Princi Escribiu:

    Operación Banano xa!!!