O Traveseiro not dead!

30 de Setembro do 2014 publicado por o traveseiro

the expl

Este blogue non estaba morto, estaba de parranda, e como tal hoxe empezamos o curso cun novo parecido razoábel á par que estúpido e delirante, o do futbolista eslovaco do Napoli, Marek Hamšík, co logo da banda punk hardcoreta The Exploited.

Frouxo comezo, xa o sei, pero haberá que ir pillando a forma co paso dos días… que non fixen pretempada!

Arquivado en Cuspidinhos | 4 Comentarios »

O camareiro de Bagdad

4 de Agosto do 2014 publicado por o traveseiro

O anterior parecido razóabel de Iago Aspas con Miguel Hernández non era moi doado de atopar, mais pode que algún si que o vira antes ca min… quen sabe, podía ser. Mais o que segue é case imposíbel de relacionar.

aspas ca

Para iso hai que ler o xornal El País (cada vez máis penoso), as páxinas de internacional (“todo son desgracias”, que diría a miña nai) e quedarse coa fisionomía do camareiro do Café Shahbandar, da rúa Mutanabbi, en Bagdad, unha especie de Café Gijón á iraquí, onde se reúne a intelectualidade bagdadí para ler e debater de temas literarios.

Sen dúbida un lugar especial onde non tería cabida Iago Aspas nen sequera de camareiro. Serva coma exemplo a súa imaxe da dereita, coa propia cativa flipando coa camisola que leva o tio. Seguro que se lle preguntan quen é a muller da estampación di que Marta Sánchez ou Nieves Herrero e ficaría tan tranquilo.

Arquivado en Cuspidinhos | 2 Comentarios »

Aspas, poeta de culto

1 de Agosto do 2014 publicado por o traveseiro

Unha vez máis teño que pedir desculpas públicas aos leitores pola falla de actualizacións pero desta vez teño escusas. Blogaliza estase a renovar e ás horas que o tempo me permite actualizar non podía conectarme. Porén, tamén está o tema do puto Gmail e o smartphone, que non me avisaba de que tiña correios de entrada e foi ao entrar na caixa dos correios cando me decatei de que tiña uns cantos sen ler na bandexa de entrada. Desculpas sinceras aos remitentes, algún dos cales comentan aquí.

Dito isto, hoxe quería ter un detalle con Iago Aspas, que volta á liga española para enrrolarse no Sevilla despois da súa experiencia en Inglaterra, máis dun erasmus que dun futbolista.

miguel aspas

O notas cumpre hoxe 27 anos e no canto de poñelo verde haberá que buscarlle un parecido razoábel diferente ao de Sheldon Cooper que lle atopa todo dios, alguén máis intelectual se cadra. Concretamente a semellanza é co famoso poeta, dramaturgo e loitador antifascista MIGUEL HERNÁNDEZ.

Non me digades que non teño un bo detalle con Iaguiño.

 

Arquivado en Cuspidinhos | 1 Comentario »

Carlos Terrazas, popeiro español

27 de Marzo do 2014 publicado por o traveseiro

Seguimos coa xeira de treinadores de segunda rariños para achegarnos á figura de Carlos Terrazas. Cada vez que vexo ao técnico do Mirandés lémbro dun colega que hai dous anos, cando treinaba ao Guadalaxara, dicía que non remataba a tempada, e non precisamente porque fose cesado. E tamén do marabilloso mundo do pop oitenteiro español… dos Germán Coppini, Antonio Vega, Enrique Sierra

Non o sabemos, pero igual a Terrazas até entrevistouno hai trinta anos Paloma Chamorro para La Edad de Oro ou Jesús Ordovás en Diario Pop de Radio 3, dentro do seu monotema da movida madrileña.

E ollo para os que saiades con que teño prexuizos artísticos por non meter no saco a Iosu Eskorbuto, Natxo Cicatriz ou Lois Pereiro, pero alomenos eses non vestían chaquetas americanas de talla XXL coma os outros.

 

Arquivado en Cuspidinhos | 2 Comentarios »

Zé Castro, modelo do ano

9 de Xullo do 2013 publicado por o traveseiro

Xa sei que non é doado de distinguir, mais unha desas señoritas da foto é unha modelo que non sei como se chama e a outra José Eduardo Rosa Vale e Castro, coñecido futbolisticamente coma ZÉ CASTRO.  Nin sequera eu o teño moi claro, e iso que estou farto de velo de perto e créeme que grazas aos seus atuendos e pel como plastificada dá moita máis grima en persoa.

Decidín conservar ao espontáneo que se cola a chupar cámara pola coña que produce o seu roio cotilla e a semellanza que lle acho con Uli Stilike.

Arquivado en Adefesios, Cuspidinhos | 1 Comentario »

A mascota Özil

31 de Xaneiro do 2013 publicado por o traveseiro

Na traxectoria oficial do futbolista do Real Madrid Mesut Özil figura que fichou nas categorías inferiores do Schalke 04, equipa da súa localidade natal, en 2005, omitindo un relevante dato que destapamos nós agora.

Özil, antes de ser futbolista profesional, gañábase de neno os garavanzos actuando como mascota, como demostra esta imaxe súa abrazando (ou algo máis!) agarimosamente ao mítico Olaf Thon na súa segunda etapa no Schalke, en 1996.

Arquivado en Adefesios, Cuspidinhos, Idas de olla | 2 Comentarios »

Lendoiro… menudo peixe

10 de Xaneiro do 2013 publicado por o traveseiro

Lendoiro, nas mans do administrador concursal

Rematamos o ano 2012 provocadores e insultantes e comezamos o 2013 do mesmo xeito. Neste caso salientando o parecido máis que razoábel entre o presidente do Deportivo da Coruña e un estraño peixe que atopei pola internete do que descoñezo o seu nome porque nin sequera lembro do sitio de onde baixei a imaxe.

ACTUALIZACIÓN
Vía comentarios, Txito (moitas grazas!) infórmanos de que ese xelatinoso peixe leva por nome BLOBFISH (Psychrolutes marcidus), vive a 800 metros de profundidade e, ao igual que Lendoiro nos úlitmos anos fichando decadentes e prestados, este peixe tamén aliméntase de materia orgánica á deriva. Todo concorda!

Arquivado en Cuspidinhos | 2 Comentarios »

“O Berro” de Manuel Pablo

20 de Decembro do 2012 publicado por o traveseiro

Acho un ar no desgarrador cadro do noruegués Edvar Munch, “O Berro”, cunha imaxe de Manuel Pablo García durante un adestramento no Old Trafford de Manchester, fará coma unha década. A mesma faciana desencaixada que puxen eu cando coñecín da renovación do suxeito por un ano como futbolista e unha morea máis traballando no organigrama do clube.

Aínda queda por saber cal é o papel que vai desempeñar tras colgar as botas, porque nin el o sabe. En principio di que quere ensinar aos máis xóvenes todo “lo que he aprendido” nestes anos. Ou sexa, como centrar ao boneco, perder a posición, desfacer fóras de xogo… Vamos, non lles vai ensinar nada porque Manuel Pablo é un auténtico pescao, que leva quince anos no Deportivo e tan só rendeu notabelmente dúas tempadas e media. Iso si, levándose un bo pastizal.

A nosa proposta subnormal do día é que, cando morra, expoñan os seus restos embalsamados xunto a versión máis famosa do cadro, na Galería Nacional de Oslo, ben lonxe de aquí.

Arquivado en Cuspidinhos | 6 Comentarios »

Sergio Stalinrramos

4 de Decembro do 2012 publicado por o traveseiro

Seguimos coa xeira de parecidos chorras, e desta vez tócalle a quenda ao inefábel Sergio Ramos. O defensa do Madrid, que seica chamou feo a Diego Costa durante o derbi madrileño, non se decata de que é medio birollo, ten trazos equinos e que, segundo nós, tamén un aire con Iósif Vissariónovich Dzhugashvili, ou sexa, con Stalin de mozo. Velaquí a proba.


O parecido non é só físico. En 1950 a Unión Soviética dirixida por Stalin estivo a piques de lanzar cosmonautas en voos suborbitais por encima dos cen quilómetros de altura, a tradicional (e subxectiva) fronteira do espazo. Máis de sesenta anos máis tarde, Sergio Ramos fixo o propio cun balón lanzado dende o punto de penal nunha quenda perante o Bayern Múnic.

Visto isto… para cando renomear a localidade natal do futbolista, Camas, coma Ramosgrado? “O Exército 62 defende Ramosgrado, Chuikov está ao mando. Exército 62 defende Ramosgrado, por Lenin, por Ramos, polo proletariado!!”

Arquivado en Cuspidinhos | 3 Comentarios »

Visca Neymar lliure!

29 de Novembro do 2012 publicado por o traveseiro

Leo no imprescindíbel Todo Sobre Camisetas que o suposto craque brasileiro Neymar Da Silva acaba de apresenta-la súa propia marca “para explotar comercialmente su imagen”. E que mellor maneira de estoupala

…que deseñando un logotipo cuspidiño (alomenos dende a nosa delirante ollada) ao anagrama de TERRA LLIURE, aquela organización armada independentista catalá que actuou alá polos oitenta e que, entre outras movidas, deixou a Federico Jiménez Losantos medio coxo.

Un Fedeguico que ademais é fervente madridista, polo que pregamos a Neymar que se ten os collóns que lle faltaron ao seu impotente padriño Pelé para xogar en Europa, que fiche polo Madrid… e remate a faena! Neymar armat, Neymar respectat!!

Arquivado en Cuspidinhos | 5 Comentarios »

« Previous Entries