Náusea constante: a Copa do Mundo chega a Galiza

28 de Decembro do 2010 publicado por o traveseiro

Foi noticia onte por estes lares a chegada da Copa do Mundo a Compostela. O presidente da Xunta, ese que non apoia as seleccións deportivas galegas, non perdeu ocasión de facerse a foto co trofeo e soltar algunha que outra barrabasada das súas, coma propoñer a Del Bosque coma “entrenador de España”, para elixir aos mellores políticos. Señor Feijoo, vostede non vale nin para a liga das Mariñas, con tódolos respeitos para esta competición. Mais el non foi o único que gosta  de chupar cámara. Por exemplo, tamén está este.

“Uuuhm, bocata di cardinale”

Julian Barrio, o arcebispo de Compostela, que pronosticou a vitoria española en Sudáfrica, semella pasalo realmente ben, como se estivera nun parque infantil e non na misa do Peregrino. Mención a parte merecen os tres de detrás.

Á esquerda, o reposto presidente da Federación Galega, Xulio Meana, que non hai deus que o quite da poltrona, e ao que lle acho certa semellanza física co Dioni. No medio, o seu homólogo da Española, Angel María Villar, con careto de estar, como é costume nel, durmindo cos ollos abertos. E á dereita, Vicente Del Bosque, que está até na sopa. De feito, hai un rato baixei o lixo e pareceume velo detrás dun carro, coa copa do mundo nas mans.

Se queredes ver unha galería de fotos bastante completa deste lamentábel acto, premede aquí, pero ollo cos que teñades o estómago delicado, porque nun par delas… sae Feijoo coa camisola de España!!

Arquivado en Espanholadas, Odioteca | 7 Comentarios »

Os chourizos de Navalcarbón

19 de Novembro do 2010 publicado por o traveseiro

Quixen botarlle unha ollada vía Google Earth aos campos que ten a Federación Española en Las Rozas, coñecidos coma “La Ciudad del Fútbol”. Non atinei con eles á primeira, trabucándome cos campos que o CD Las Rozas ten en Navalcarbón, un pouco máis ao sul dos outros. Hai dúas fotos penduradas por usuarios de Panoramio sobre esas instalacións e unha delas, subida por un tal angel.ecr, conta con esta “breve” explicación.

Prezos desorbitados das entradas, non sortean nada, bancadas noxentas…, un auténtico escándalo en toda regra.

Por outra banda, onte celebrouse o sorteo de Copa, e o Deportivo xogará a súa eliminatoria perante o Córdoba. Entro na web de dito clube e primeiro que me atopo é coa foto oficial do plantel da tempada 2010-2011, que non foi tirada como é costume no seu campo de xogo, nin na cidade deportiva, senón… nunha puta praza de touros!

Arquivado en Espanholadas | 4 Comentarios »

Fela(cita)cións aos campións

15 de Xullo do 2010 publicado por o traveseiro

Dixera que ía deixa-lo temiña Mundial-España aparcado até máis tardar, mais non debo seguir escorrendo o bulto ante a perrencha dalgún. Teño que felicitar á selección española, hostia!

Así pois, os meus parabéns ao equipo adestrado por Simón Cabido “Doña Croqueta”: De esquerda a dereita e de arriba a abaixo… Josema Yuste, Eloy Arenas, Raúl Sender, Andrés Pajares, Alfonso Lusson, Luis Sánchez Polack “Tip”, Juanito Navarro, Fernando Conde, Fernando Esteso e José Luis Coll.

Porque de feito estes días foron moitos os que saíron do armario recoñecendo que de cativos tiveron o traxe de Arconada, que vibraron co España-Malta ou que levaban un bandeirín da rojigualda na roda dianteira da bici. Eu tamén recoñezo todo iso e engado que lamentei profundamente a derrota perante Bélxica en México’86. Por sorte, pouco máis tarde, non sei se tivo que ver que un alma caritativa me dera un raquetazo na cachola xogando ao ping-pong, que deixei de ir por España. Agardo que, coma min, moitos nenos galegos (e non tal) rematen caendo da burra, pero sen golpes na cabeza, por vontade propia.

Tres cousas máis alleas a isto que non podo deixar no tinteiro:

1. A Facenda pública reclámalle ao expresidente do Celta, Horacio Gómez, e ao seu consello a nada desprezábel cantidade de 33’5 millóns de euros pola súa mala xestión. Penso que pode facer fronte tranquilamente a esta débeda pola fortuna que amasou xa nos anos oitenta coma pinchadiscos en programas infantís, e máis tarde coma produtor de viño, cervexas e gaseosas.

2. Parece ser que o chivato de Paul vai ser trasladado ao zoo de Madrid para que morra de vello (disque lle quedan poucos meses). Moito mellor para nós, que así nos queda máis perto para tentar de cumpri-la nosa promesa de secuestralo, mazalo contra as pedras e xantalo á feira, en caldeirada, á mugardesa… xa veremos. Tampouco se descarta darlle morte alí mesmo co método do secador ou radio enchufados e tirados ao acuario para que as piche electrocutado.

3. Os “BOISANBOIS”. O meu vello onte, dicindo non sei que dos BOIXOS NOIS.

Arquivado en Defecacións verbais, Espanholadas | 5 Comentarios »

Sacrilexio

11 de Xullo do 2010 publicado por o traveseiro

Disque non había máis sitio na páxina web oficial do Deportivo para poñe-la bandeirola de marras, que tiveron que plantala xusto enriba do emblema do Clube, que para nós, e penso que para calquera afeccionado de calquera equipa independentemente de onde sexa… É SAGRADO.

Arquivado en Espanholadas | 10 Comentarios »

Mick Jagger, patriota español!!

5 de Xullo do 2010 publicado por o traveseiro

Ao líder dos Rolling Stones se lle puido ver en Sudáfrica presenciando o encontro dos Estados Unidos perante Ghana, xunto a Bill Clinton. Os norteamericanos quedaron fóra do Mundial. Máis tarde, Jagger asistiu novamente ao palco de autoridades desta vez para torcer con bufanda e todo polo seu país de nacemento, Inglaterra, que disputaba os oitavos de final fronte Alemaña. Non lles deu moita sorte porque os ingleses palmaron. Logo chegaron os cuartos de final e Mick decidiu torcer por Brasil acompañado polo seu fillo, que vestía a camisola canarinha. Nin que dicer ten que Brasil quedou apeada do Mundial.

No verán de 1982 os Rolling Stones tocaron no estadio do Atlético de Madrid e Mick saíu ao escenario non portando, senón totalmente amantado cunha bandeira de España. A selección fixo o maior ridículo que se recorda até ese momento nun campionato do mundo por parte dunha selección anfitrioa. Vendo o percal eu penso que será máis que suficiente con que Mick diga que prefire que pase España ou que se poña un pin rojigualdo na solapa para que queden eliminados. Dito isto… máis madeira:

-“Españoles por el mundo: Sudáfrica”

Namentres todo o mundo que está a saír nas imaxes dos videomarcadores do estadio aproveitan para saudar, ou os perdedores a ficar quedos, este niñato manda un saúdo aos seus pais perto do final do España-Suíza, que tras ver as imaxes, chamárono ao móbil: “Hijo mío, ¿para eso te pagamos la estudios en los mejores centros educativos y el viaje a África a pesar de que solo aprobaste una asignatura? Tu madre está disgustadísima, no quiere ir a la peluquería por el que dirán”. “Popá, momá, perdonad mi falta de educancia, es que estaba furioso por haber perdido”.

-Diferenciais.
Zapatero, opinando sobre o Alemaña-España: “Creo que nos hemos acercado bastante en cuanto al diferencial en relación con Alemania y creo y confio que vamos a superar ese diferencial el miércoles”.

-Larissa chora, nós tamén.
Pero por pouco tempo, porque a pesares de que dixera que se espiría se Paraguai pasaba a semifinais e non aconteceu… a Noiva do Mundial sairá igualmente en pelotas xa non para satisfacer aos guaraníes, senón aos membros da comunidade galega de saídos desexosos de vela espida: “Espanha emperrenchada em privar ao mundo do goze dos sentidos… Espanha é o puto cancro deste planeta!!”

Arquivado en Espanholadas | 4 Comentarios »

Eusebio salva a pirola… de momento

29 de Xuño do 2010 publicado por o traveseiro

Non falo de Eusebio Sacristán, que no Celta salvou os mobles pero non a cabeza, senón a este outro:

En realidade co paso do tempo Eusebio El Clenchillas vaise desmembrar igual (como Espanha), aínda que non perda no que queda de Mundial, e o can palmará tamén por sobredose de antihistamínicos contra o picor. E logo… por que?

Porque segundo as palabras dun tal Miguel Aizpún,  voceiro da Academia Española de Dermatología y Venereología, pintarse a pel coas cores españolas pode provocar dermatite que remate orixinando “enrojecimiento, escozor y descamación cutánea. En los casos más graves, pueden aparecer ampollas que pueden dar sensación de quemadura.” Joder, é que parece que está a descubrir a pólvora, e iso é algo que nós xa sabiamos dende hai tempo, que as cores de Espanha provocan dermatite na faciana e non digamos na picha ou no ano, onde haberá xente que tamén se pinte.

Por outra banda, a viñeta é xentileza de Juarma, un artitta granaíno amante coma nós do politicamente incorrecto e que ademais é seareiro de Renaldinhos e filiais (o cal xa di bastante del). O certo é que que este tío non debuxe para El Jueves tendo a revista en nómina a xente que non fai a máis mínima gracia non ten nome. É coma se ao Barcelona lle ofrecesen gratis a David Villa e non o quixesen fichar, ou o Madrid prescindise dos servizos de Higuaín para quedarse con Raúl.

P.D: Cristiano Ronaldo volve a partir de hoxe a ser un filho da puta. A este pescao é ao que comparan con Messi? Por favor!

P.D.2: Michael Robinson, na previa do encontro do Plus: “Sergio Busquets es el jugador más RETRASADO. Con esto vén dicindo que o resto son tamén algho mongoliños.

P.D3: Paco González, no último intre do encontro, totalmente desesperado: “Pita, árbitro, joder!” Nunca pensei que chegaría a dicer isto, pero boto de menos as retransmisións de De la Casa.

Arquivado en Espanholadas | 8 Comentarios »

As medicións de audiencia de Helguera

5 de Xuño do 2010 publicado por o traveseiro

Nunha entrevista no AS a Iván Helguera pergúntanlle sobre a famosa imaxe da eliminación de España no Mundial de Corea-Xapón do 2002, na que aparece el increpando e a piques de darlle unha hostia ao gran colexiado exipcio Al-Ghandour, aquel que seguiu a estela doutro grande: Sandor Puhl. Helguera di que “En el puño cerrado acumulo toda la impotencia que llevaba dentro, y creo que también la de los 39 millones de españoles que habían visto el partido. Casi na.

Pois como para algo está o guguel, comprobo que Initiative Media, empresa líder a nivel mundial na xestión integral de medios, lanzou por aquelas datas un barómetro sobre a audiencia televisiva do FIFA World CupTM 2002 a nivel mundial. Ofrecen unha percepción única da audiencia en máis de 42 países: quen viu que partidos, onde, cando e porqué.

Segundo eles, o encontro España-Corea de cuartos de final foi visto por unha media de 9.272.000 espectadores, o 23.6% da povoación, e obtivo un share do 91.7%. Alcanzáronse picos de audiencia de 11.589.000 espectadores, co 29.5% dos españois vendo os penaltis (menos mal que foi un sábado ás 8:30 da mañá, horario pequeno-imperial, e ao non velo por estar durmindo non me inclúen nas estatísticas), cifras moi afastadas das que nos proporciona Helguera. Semella que o que lle pasou os números é o mesmo que fai o barómetro das asistencias ás manifestacións do Foro da Familia.

Por outra banda, preferín omiti-la foto do ínclito porque xa a publiquei neste post. No seu lugar deixo unha do mesmo encontro, e con outro xilipollas como protagonista: Fennando Morientes chorando como unha madalena. Eran tempos en que ía de adaíl a prol dos dereitos dos futbolistas españois contra a Lei Bosman (chegara a dicer que nunca xogaría no Deportivo porque só tiña estranxeiros) para despois beneficiarse dela (xogou no Liverpool e Mónaco e agora faino no Olimpique de Marsella).

Arquivado en Espanholadas | 6 Comentarios »

Santiago y sierra España

26 de Febreiro do 2010 publicado por o traveseiro

Seica a FIFA (sempre fodendo) prohibiu toda manifestación relixiosa durante o vindeiro Mundial, así que como xa queda pouco tempo, España apura as súas opcións.

O presi Angel María Villar, que se dorme sempre e que non sei como desta vez non se sobou co incenso do botafumeiro, leu unha homilía de cinco folios onde deixou grandes momentos como “Somos peregrinos que viajamos en busca de la fe que propagaste y que dejó huella indeleble (coma os rotuladores!). La familia del fútbol viene a tu encuentro para ofrecerte los títulos que ganamos en buena lid”. Se esperta Prisciliano dálle algho.

Tamén estaba Lendoiro. O presidente do Deportivo non se achegou moito ao arcebispo Xulio Barro por medo a que lle cravara un aguillón, porque segundo relata o AS, ía “tocado con la mitra, que le otorga la ciencia de los dos Testamentos, y el báculo, que según la fe cristiana, tiene el poder para aguijonear a los perezosos. O relixioso, por certo, pediulle aos fieis que voltaran á catedral coa copa do mundo. El de seguro que pregará por eles, aos haitianos que lles dean polo cu, se tal.

O resto das autoridades presentes… Fernando Hierro (carniceiro), o dirixente arbitral Sánchez Arminio, o seleccionador Vicente del Bosque, o maleante Ramón Calderón, os seleccionadores das categorías inferiores e de fútbol sala… Con tanto españolismo que se respiraba eu non sei como non estaba a zorra (no sentido máis pexorativo da palabra) de Rosa Díez.

Mais non pasou todo o que debería pasar: que os tiraboleiros foran substituídos por empregados forestais, e o botafumeiro por unha gran serra eléctrica que os fixera a todos anacos. A monxa cantando o Ángelus sería substituída polos SINIESTRO TOTAL tocando ao vivo e a todo volume ese grande tema titulado “LA SIERRA ES LA FAMILIA”.

“Santiago y sierra españa, que salga sangre con serrín. La sierra es la familia, qué aparato tan feliz. El menú que hay para hoy sabe mejor si siente terror. El sabor es fundamental sin olvidar la presentación. Voy descuartizando y desmenuzando con mucho cariño todos tus encantos. Primero la sierra, luego el martillo, si no hay tenedor, se pincha con cuchillo”.

Arquivado en Espanholadas | 5 Comentarios »

Aborto libre e gratuito

18 de Outubro do 2009 publicado por o traveseiro

mongolo

Os pais deste pobre rapaz están totalmente en contra da nova lei do aborto. Estes señores entenden que o prazo de 14 semanas de xestación ou 22 se hai grave risco para a vida ou saúde da muller son totalmente escasos.

Consideran que o seu fillo ten unha grave anomalía psíquica e piden que se amplíe o prazo para poder abortar até os 35 anos de vida do feto.

Arquivado en Espanholadas, Idas de olla | 11 Comentarios »

Desahuciada pero con orgullo… vikingo

12 de Outubro do 2009 publicado por o traveseiro

orgullo vikingo

Esa anciá da foto chamábase, e agardo que se sega a chamar (o recurte o teño dende hai dous anos) Xosefa López. Foi botada da súa casa arteixán unha mañá por funcionarios do xulgado xunto cos seus enseres persoais e varios bultos, trocándolle a fechadura da porta. O motivo, que a súa casa estaba en estado ruinoso. Estivo todo o día na rúa até que foi realoxada na casa dunha filla, despois de moita tensión entre familiares (que curtaron a estrada ao tráfico) e forzas da orde.

Mais, aínda que pareza mentira, iso non é o feito máis luctuoso. O máis lamentábel é comprobar como a señora leva unha gorra na cabeza de Orgullo Vikingo (non se distingue ben, pero asegúrovolo que é así). Que carallo fai a paisana con iso na cachola é un caso para Iker Jiménez e o seu Cuarto Milenio, a foto tan só é unha escusa para falar brevemente desa peña ultra madridista totalmente apolítica e non violenta (segundo eles, claro). Entro na súa web, e no apartado de “historia” comprobo que…

…son especialistas no arte e confección de cartóns a base de grapas (as clases de pretecnoloxía na escola valeron para servir a España): “Las cartulinas con las banderas de España las hicimos nosotros mismos, grapando durante una semana medias cartulinas amarillas sobre cartulinas rojas, hasta llegar a 6000”. Que aplicados! Non sei como non están traballando para Inditex.

c-92-93-1

Carnet da peña. Apolíticos 100%

…son vilmente acusados de racistas, xa que nunha ocasión “contra el P.S.G., la policía no nos permite realizar el tifo que teníamos preparado, letras gigantes con la leyenda ‘EUROPA BLANCA’, por considerarlo racista, cuando nosotros nos referíamos a los colores de nuestro amado Real Madrid”. Que fatal casualidade e que mala pata que o Madrid vista de ario.

teñen fixación cos equipos bascos, cataláns e galegos, pois “se realizan otros tifos de menor envergadura pero de gran colorido, como el del día de la Real Sociedad, que se sacan letras con la bandera de España de fondo” […] “contra el F.C. Barcelona se realiza un impresionante tifo de banderas de España” […] “La temporada 94/95 la comenzamos (contra o Athletic de Bilbao) con un tifo de cartulinas que conforman la bandera de España”, e fóra da casa…

…”también se rinde visita a los amigos del Español, en sus enfrentamientos contra el Barça y el Depor en Sarriá”. Seguro que houbo intercambio de agasallos entre os grupos. Os espanyolistas déronlles unha grapadora de prata cunha lenda na súa base: “Grapas por la unidad”. Por parte dos seus homólogos, un casco vikingo coa inscripción: “O.V y BB.BB. Unidad cornuda”.

Arquivado en Espanholadas, Xentes da grada | 4 Comentarios »

« Previous Entries Next Entries »